今年中秋前後, 食了很多很多東西, 大飽口福。月餅通常每餐吃半個以上, 有時3/4個, 暫時仲未試過一劑食成個。 上週又趕住行使到期雪糕卷去某鋪吃, 好彩又貴又袖珍, 否則就會吃滯。

菲傭負責煮飯, 每日都頗好餸, 最近個人都食脹左。加上中秋水果平, 又吃多左; 十一雖然唔洗唱國歌, 但興緻到我又加餸半隻雞。上周五晚飯食左少少野, 夜少少又返教會天台燒野食, 再吃月餅。周六傍晚先食一小餐, 再去黃大仙某酒樓食燒腩仔, 爽脆!!  乜都食一餐, 係時候做多o的運動, hehe。

在港好食好住, 真的要不時警剔, 呢個世界好多人無野食。最近菲律賓馬尼拉水災, 幸好我家菲傭的老家靠近宿霧, 所以影響不大。但仍有不少菲傭的家屬在故鄉受災情影響, 祝他們平安、盡快重建家園。

近日報章無甚大新聞, 最有趣的莫過是民主黨立法會議員甘乃威被指示愛不遂炒女下屬。到左呢個地步, 呢壇野無得撐架喇, 民主派籌備搵人補選啦。

電視方面....我呢兩週竟然無睇過劇集?! 只知道呢排做緊蔡鍔與小鳯仙, 同埋陳法拉除衫。有時間都玩下facebook、youtube和打blog先。
---------

上週日教會講題: (提摩太後書 2:11-13) 新約聖經中, 保羅為了傳道而被收監, 在監獄中仍保持頑強信念, 寫下多封書信勉勵提摩太教會。一位菲律賓姊妹憶述兒時家中困境, 兩餐不飽, 曾經妒忌較富足的同學, 又想過放棄信仰, 但在母親堅毅的信念和信仰下, 一家終於捱過苦日子。對她而言, 信仰就是母親給她的最大禮物。患難, 使信心更穩固。