踏入九月, 公司的編輯工作開始踏入正軌, 大家都忙碌起來。 幸好我家來了一位工人, 很幫得手, 大大幫輕洗衫煮飯工作, 否則我死都唔得掂。

事實上, 自九月以來, 我已經忙到嘔。無偈, 一定要衝衝衝!!! 要認真工作, 周六、日也要打醒精神湊女, 因為太太開始讀一個課程, 起碼讀到明年夏季。 今鋪骷髏頭堡賜我力量變he-man都要死掂佢。

七月加入新公司後, 我仍然係做財經新聞, 但條beat轉為地產, 同以前的科技beat係好唔同, 需要由頭學起。 睇樓其實我都好有興趣, 多年來亦熟讀置業家居, 但寫地產財經新聞係唔同介紹樓盤, 要研究研究。

今日去左某大地產商位於炮台山的新酒店簡介午宴, 上到天台, 270度無敵海景, 真係超級超級超級正正正!!! 比中環金鐘的5、6星級酒店的view更開揚, 簡直係爽!!! 唔怪得古人o係果度set大炮, 基本上係可以控制成個海港。要發奮搵錢喇, 應該可以住到一晚海景房o既!!

維港鯉魚門

至於樓市, 我主觀願望係想佢回落o既, 否則我下年好難買到平貨。不過, 宜家股市表現很反覆, 經濟前景不明朗, 真的唔知半年後會發生乜事。 目前估計, 樓價在國慶後應該會回軟一點, 到時再作打算。
-------------------

教會講題: (馬太15:21-28) 一個外邦婦人請求耶穌醫治被鬼附的女兒, 但被拒絕兼怒窒, 因為耶穌話佢個plan係先拯救猶太人。幸好呢個婦人堅持請救, 終於打動了耶穌, 女兒獲救。原來, 即使上帝有衪的議程, 但只要人堅持祈禱、向衪呼求, 也可以改變上帝議程的。