今日係我32歲生日啊, 有無人送禮物俾我? facebook虛擬都照殺。 目前, 應該confirm收到一份實體禮物(無偈啦, 平時無送生日禮物俾人)。

生日先黎感冒, 唉.....週五傍晚仍然十分精神, 入夜開始流鼻水, 唔停咁流, 瞓得很差。 幸福傷風素無效, 翌日睇醫生, 但o的藥仍然太廢, 發埋燒, 週日再睇另一間, 才獲得抗生素。 醫生話唔係豬流感, 而係感冒菌感染個鼻。 勁藥, 但個胃又唔係太掂, 好彩很快退燒, 處於半死狀態。  剛巧遇上阿女的幼嬰院畢業禮及同佢o的舊同學開party, 我點都要拖著疲乏身驅+單反機做野(之後會upload)。 

今日好返o的喇, 但應該吃唔到大餐, 要清淡。廚房已經割讓左俾剛到位的工人, 高度自治運作尚算良好。  

有關生日願望, 我希望世界和平啦......此外, 身體健康, 事業進步啦。 如果65歲可以攞返我o的強積金, 我宜家差不多已踏入左中年, 中年危機呀!!! 髮線肚腩呀!!! 事業樽頸呀!!!!.....希望可以轉危為機, 但唔係容易。

如果宜家可以坐一架水上電單車飛馳大海就好喇, 或者環遊世界食串燒和朱古力bar, 無晒煩惱, 但估計短期內都做唔到。目前來說, 都係通返個鼻先再作打算。
------------

昨日教會講題:  無返到教會呀, 不如搵有返到的blog頭黨員留言補上。