最近將軍澳車禍, 真的令人聞者傷心, 希望死傷者家屬振作。 事件也提醒大家, 生命脆弱, 珍惜光陰。

hey, 上周日出席劉朱聯婚的婚禮及晚宴, 祝二人新婚愉快、白頭偕老! 

婚禮在我教會舉行, 即係信義會蒙恩堂。晚宴在又一城八月花酒樓舉行, 餸菜不俗、紅酒也很正, yeah!! o係度要領功, 如果2002年我無返到蒙恩堂教會, 新郎新娘又點會認識? 所以我係媒人!  要收費!!! 當然, 姻緣天註定, 終極媒人係天父。

如果閣下父母有一幢樓留俾你, 或者你公司/學校有一幢宿舍俾你, 或者你家庭收入超過8萬元, 或者你曾中過六合彩頭獎, 可以唔需要看以下的文章。

上週三施政報告, 談及不少有關樓市及樓價上升的問題。但內容毫無新意, 仍然維持勾地制度和不加建居屋, 即是繼續高地價政策, 市民必須捱貴樓。

上周日亮欣去左將軍澳中心商場的JWT Kid's Gym, 參加一位同學的生日會, 玩到癲晒。 之前曾打算去那裏開生日會, 但因費用頗昂貴(約3千元不包食物)而打消了。今次趁同學搞生日會, 終於有機會玩兩小時, 爽。

今年中秋前後, 食了很多很多東西, 大飽口福。月餅通常每餐吃半個以上, 有時3/4個, 暫時仲未試過一劑食成個。 上週又趕住行使到期雪糕卷去某鋪吃, 好彩又貴又袖珍, 否則就會吃滯。

呢排blog頭黨的內容好空虛, 好似無乜新話題, 我周一至五工作又很忙, 無甚時間update。趁有個空檔, 又等我o係度亂o翕下, wahaha。

上週日參與香港記者協會發起的遊行, 環繞西環中聯辦辦公大樓走一圈半。 大會表示有700多名人士參與。 另外, 各大政黨、人大、特首以及中聯辦, 已先後向在京的港澳辦及國家領導人表遠意見, 反對新彊新聞官在毫無證據下, 指控香港記者涉嫌煽動群眾鬧事。事件已變成地區政府之間的衝突。

臨近十一國慶, 越來越多ridiculous的事情發生。 昨日新彊新聞官竟然指, 早前投訴採訪時被武警拘捕及毆打的三名香港記者, 曾經「向群眾指手劃腳, 有煽動鬧事之嫌」。 真係荒天下之大謬!!!! 原告變被告, 離譜!!!

踏入九月, 公司的編輯工作開始踏入正軌, 大家都忙碌起來。 幸好我家來了一位工人, 很幫得手, 大大幫輕洗衫煮飯工作, 否則我死都唔得掂。

上週六是亮欣幼嬰班畢業禮。 18位同學仔經過兩年來老師們的細心照料, 加上家長們的無限付出, 終於著上畢業袍。 不過, 各位家長都知道, 這不是終點, 而是起點! 

今日係我32歲生日啊, 有無人送禮物俾我? facebook虛擬都照殺。 目前, 應該confirm收到一份實體禮物(無偈啦, 平時無送生日禮物俾人)。

今天是亮欣兩歲生日, 祝生日快樂, 天天歡欣! 

時光飛逝, 轉眼已經兩年。過去一年都頗辛苦, 因為照顧會行會走的小朋友, 係比餵夜奶更辛苦。隨著小朋友有自已的主見, 大人就要學懂回應及引導, 每天要鬥智鬥力, 不是輕易事情。由於返托兒所, 難免小病多.....錢和年假已經豁左出去, 只求身體健康。 幸好, 亮欣順利踏入兩歲, 感謝神!!!

昨日同亮欣去沙灘踩沙踏水, 地點是清水灣, 時間約在下午4時半至6時。 天氣不俗, 近傍晚更有山蔭, 不覺太曬。 交通方便, 乘103小巴, 雖然等車有點不順利, 但終於到達。 很熱鬧啊!!  

呢排有o的感冒, 整個人懶洋洋, 幸好周一、二晚上10時無線J2台播聖鬥士星矢(冥王篇), 可以解悶。

對於環境保育, 我唔識太多, 我也不是一個保衛皇后碼頭戰士, 事關我對果度唔係太多記憶。不過, 最近律政署要追收保衛皇后碼頭的朱凱迪和何來共27萬元司法覆核費, 實在係唔應該, 削弱了香港市民表達意見的自由。

那項收費係非常「騎呢」的。原來申請了法援打官司, 唔係全包的。 詳情如下:

click看短片, 約7分鐘==>

上週六、日一家去了迪士尼樂園, 天氣很熱啊!! 又曾經下大雨, 幸好行程大致順利。數年前已去過一次, 今次主要係睇史迪仔太空艙、夏日水花巡遊和坐賽車仔。用hip seat帶著20多磅的亮欣, 另外再加旅行袋和相機, 當然是一項體能大測試。